U23亚洲盃:越南势炒冇骨鱼腩

U23亚洲盃:越南(越南,Viet Nam)势炒冇骨鱼腩 2022年06月08日 太阳日报 争出线仲有价讲！ 今晚U23亚洲盃C组尾轮生死战，越南U23喺乌兹别克中立场火并马来西亚(馬來西亞,Malaysia)U23。越南依家仅得2分，但今仗对住冇骨鱼腩嘅马来西亚，只要赢波出线仲有价讲，一定火力全开，直取让球主胜。（周三晚9时开赛） 先讲讲C组形势，南韩同泰国以1胜1和同得4分，位居头两名，而第3位嘅越南只得2分，不过要留意，佢哋头两轮正正打和上述两大劲旅，非常硬净。今轮南韩同泰国会正面交锋，若果越南今仗击败对手马来西亚，就会累积5分，假设「南泰」其中一队输波，越南便肯定晋级。 头两轮打和表现硬净 若果越南赢波，另一边厢「小太极虎」同泰国打和，就会出现3队同得5分嘅情况，喺先计对赛下，就要视乎「南泰」赛果如何，因此越南至少要做好赢波本分。 睇番马来西亚头两轮输晒之余，仲狂失7球，两场都以3球差距输畀对手，可谓不堪一击，越南一定趁机尽数，让球主胜咪错过。