德乙攻略：達斯泰特沖冠大無畏

德乙(德乙,GER D2)攻略：達斯泰特沖冠大無畏 2022年05月06日 太阳日报 今晚德乙焦點戰，杜塞爾多夫主場挑戰達斯泰特。達斯泰特為鞏固前2直接昇班席位，唔可以松懈，可幸球隊火力夠猛，面對主場出擊踢法開放嘅杜塞爾多夫，兩軍隨時上演入球騷，中位數2.5球入球大好路。
達斯泰特賽前同「1哥」史浩克04只差兩分，仲有機會爭奪德乙冠軍，但同時亦要提防雲達不來梅同漢堡(汉堡,Hamburg)等追兵，避免失去前2嘅直接昇班資格。
杜塞爾多夫踢法開放
達斯泰特今季攻入67球，係德乙其中一支火力最猛嘅球隊，兩大攻擊手菲臘堤亞斯及盧卡比菲化，入球數分別已達雙位數。前者上場繼續有波入，幫助球隊以6比0大挫奧厄，可見呢隊波數胡能力非常驚人。
杜塞爾多夫來到季尾，已處於無欲無求嘅狀態，可以大踢風流波，呢支德乙中游分子近6次主場出擊，有5次開3球或以上，踢法開放，今場為娛樂主場球迷，隨時再同對手上演對攻戰，值得再追。